သံမ္ဗုဒ္ဓေဂါထာတော် နဲ့ လောကီရေးရာ

 

သံမ္ဗုဒ္ဓေဂါထာတော် နဲ့ လောကီရေးရာ

^^^^^^^^^^^^^^^^^^^^^^^^^^^^^^^ 

လူတိုင်း အားလုံးနီးပါးလောက် ရွတ်ဆိုကြတဲ့

သံမ္ဗုဒ္ဓေဂါထာတော်ကို

နေ့စဉ်ဘ၀လုပ်ငန်းကိစ္စများတွင်၎င်း ဘယ်လိုအချိန်အခါတွေမှာ ရွတ်သင့်ကြောင်း/ရွတ်ဆိုနိုင်ကြောင်းကို

ဖော်ပြပေးချင်ပါတယ်။

သမ္ဗုဒ္ဓေ အဋ္ဌဝီသဉ္စ

ဒွာဒ သဉ္စ ဿဟသကေ

ပဉ္စသတ္တ သဟဿာနိ

နမာမိ သိရသာမဟံ

အပ္ပကာ ဝါဠုကာ ဂင်္ဂါ

အနန္တာ နိဗ္ဗုတာ ဇိနာ

တေသံ ဓမ္မဉ္စ သံဃဉ္စ

အာဒေရန နမာမဟံ

နမက်ကာရာ နုဘာဝနေ

ဟိတွာ သဗ္ဗေ ဥပ္ပဒဝေ

အနေက အန္တရာယာပိ

ဝိနဿန္တု အ သေသတော။

အနက်( မြန်မာပြန် )

^^^^^^^^^^^^^^^

နှစ်ကျိပ်ရှစ်ဆူကုန်သော ဘုရားရှင် တသောင်းနှစ်ထောင်သော ဘုရားရှင် ငါးသိန်းသော ဘုရားရှင်တို့ကို (၅၁၂၀၂၈ ဆူသော ဘုရားရှင်တို့ကို )ဘုရားတပည့်တော် ရိုသေမြတ်နိုးလက်စုံမိုး၍ ရှိခိုးပါ၏

ဂင်္ဂါမြစ်ကမ်း၌ရှိကုန်သော သဲနှင့်အမျှပွင့်ကြကုန်သော အဆူဆူကုန်သော ဘုရားရှင်တို့သည်ကား အဆုံးမရှိကြကုန် ထိုသို့ အဆုံးမရှိကုန်သော ဘုရားရှင်တို့နှင့်တကွ ဓမ္မ နှင့် သံဃာ့ ဂုဏ်တို့အားလည်း ရိုသေမြတ်နိုးရှိခိုးပါ၏

ထိုသို့ ရှိခိုးရသည့် ဘုန်းတန်ခိုး တေဇော် အာနုဘော်တော်

ကြောင့် ကြောင့်ကြခပ်သိမ်း ဆင်းရဲငြိမ်း၍ ဘေးဘယာ အန္တာရာယ်အတွင်းမှ ခလုပ်မထိဆူးမငြိ လွတ်မြောက်ရပါလို၏

■သံမ္ဗုဒ္ဓေဂါထာအကျိုးကျေးဇူးများ ဖော်ပြ၍ပင်

မကုန်နိုင်ပါဘူး။

■ ထိုအထဲကမှ တချို့တ၀က်ကိုဖော်ပြပေးလိုက်ပါတယ်

(က) အိပ်ရာထလျှင်

နေ့တနေ့ရဲ့အစမှာ မျက်နှာမသစ်ခင်သော်၎င်း/မျက်နှာသစ်ပြီးသောအချိန်တွင်၎င်း သမ္ဗုဒ္ဓေဂါထာကို (၉)ခေါက်တိတိရွတ်ဆိုပါ။ တနေ့တာလုံး လုပ်ဆောင်သမျှအဆင်

ပြေချောမွေ့ပါလိမ့်မယ်။

(ခ) ခေါင်းလျှော်လျှင်

ခေါင်းမလျှော်ခင် (သို့) ခေါင်းဆေး မင်္ဂလာမပြုခင်မှာ

သမ္ဗုဒ္ဓေဂါထာကို (၁ဝ)ခေါက်တိတိရွတ်ပါ။

ကံဆိုးကံညံ့တွေပြေပျောက်ကာ ဝင်စရာရှိသောငွေကြေး/ လာဘ်လာဘတွေပွင့်စေပါတယ်။

(ဂ) ထမင်းစားလျှင် /ထမင်းမစားမှီ

သမ္ဗုဒ္ဓေဂါထာကို (၃)ခေါက်ရွတ်ပါ။ တပါးသူက မိမိ၏ မကောင်းသော အတတ်များဖြင့် ပြုလုပ်ထားစေကာမူ ပျက်ပြယ်၍ ဘေးကင်းစေပါသည်။ ကျန်းမာရေးကိုလည်း ကောင်းမွန်စေပါတယ်။

(ဃ) ဆီလိမ်းလျှင်/ ဦးခေါင်းကို ဆီမလိမ်းခင်

သမ္ဗုဒ္ဓေဂါထာကို (၅)ခေါက်တိတိရွတ်ဆိုပါ။ကံမြင့်

စေပြီး ကျက်သရေဘုန်းတန်ခိုး တိုးတက်ကာ၊ လာဘ်လာဘတွေပွင့်လန်းစေပါတယ်။

(င) လှေစီးလျှင်/ရေလမ်းခရီးသွားလျှင်

မိမိခရီးထွက်မည့် အရပ်သို့မျက်နှာမူလျက် သမ္ဗုဒ္ဓေဂါထာကို (၈)ခေါက်တိတိရွတ်ဆို ပါ။

အန္တရာယ်ကင်းကာ လိုရာခရီးကိုချောမွေ့စွာရောက်စေပါတယ်။

(စ) နံ့သာလိမ်းခြင်း ၊ ပန်းပန်ခြင်း၌ /ခေါင်းဖီးခြင်း

ထိုအချိန်တို့တွင် သမ္ဗုဒ္ဓေဂါထာကို (၉)ခေါက်တိတိ

ရွတ်ဆိုပါ။အများမြင်က ရင်ဝယ်သားသဖွယ် ချစ်ခင်စေခြင်း ၊ ပီယ၊ လာဘ ကောင်းစေပါတယ်။၇ရက်သားသမီးတို့မှမိမိအား မျက်နှာမြင်လျှင်ချစ်ခင်စေပါတယ်။

(ဆ) အိပ်ရာဝင်လျှင် /ညအိပ်ယာဝင်ခါနီး

ထိုအချိန်တွင်သမ္ဗုဒ္ဓေဂါထာကို (၉)ခေါက်တိတိရွတ်ပါ။ ကောင်းသောအိမ်မက် မက်ကာ ချမ်းသာစွာအိပ်စက်စေပါတယ်။

(ဇ) ရန်သူနှင့် တွေ့လျှင် /မိမိနှင့် စကားများထားသောသူ

ထိုသို့သော သူများနှင့် မလွှဲသာမရှောင်သာ ကြုံရမည့်အခါ၌ သမ္ဗုဒ္ဓေဂါထာကို (၁၁)ခေါက်တိတိရွတ်ပါ။ အန္တရာယ်ဟူသမျှ ရှောင်ကွင်းသွားစေပါတယ်။

(ဈ) မီးမဖွားနိုင်လျှင်/မွေးခါနီးဖွားခါနီးအချိန်တွင်

ထိုအချိန်တွင် ဖန်ခွက်အလွတ်တစ်ခွက်ထဲ၌ ရေသန့်သန့်အနည်းငယ်ထည့်၍ သမ္ဗုဒ္ဓေဂါထာကို (၉)ခေါက်တိတိ ရွတ်၍ထိုရေကို မန်း၍တိုက်ပါ ။မီးဖွားမည့် အမျိုးသမီးမှာလွယ်ကူချောမွေ့စွာဖြင့် မီးဖွားစေနိုင်ပါလိမ့်မည်။

(ည) ဖမ်းဆီးချုပ်နှောင်ခံရလျှင်

အဖမ်းဆီးအချုပ်နှောင်ခံရသူ ကိုယ်တိုင်သော်၎င်း (သို့ ) မိဘဖြစ်သူမှ သမ္ဗုဒ္ဓေဂါထာကို တနေ့ ( ၁ဝဝဝ )တစ်ထောင်ရွတ်ပေးပါအချုပ်အနှောင်မှ အမြန်ဆုံးလွတ်ကင်းစေပါတယ်။

(ဋ) ခရီးသွားလျှင်

မိမိနှစ်သက်ရာ ပန်းပွင့် တစ်ပွင့်ကို သမ္ဗုဒ္ဓေဂါထာဖြင့် (၂)ခေါက်တိတိရွတ်၍ အဆောင်သဘောမျိုးဖြင့် ယူဆောင်သွားပါ ခရီးတလျှောက်လုံး ဘေးကင်းစေပါလိမ့်မည်။

ဒီလိုအကျိုးကျေးဇူးတွေများပြားလှတဲ့

သမ္ဗုဒ္ဓေဂါထာကိုနေ့စဉ် လေးလေးနက်နက် ယုံယုံကြည်ကြည် ရွတ်ဖတ်မည်ဆိုလျှင်......

● မိမိဘဝ၌ ရေပြည့်အိုးပမာတိုးတက်လျက်ရှိမည်။

● မိမိဘဝ၌ မညိုးသောပန်းကဲ့သို့ ရှိမည်။

● မိမိဘဝ၌ ကောင်းကင်မှလမင်းကြီးပမာတင့်တယ်လျက်ရှိမည်ဖြစ်ပါသည် ဟု

ရှေးဆရာတော်ကြီးများရေးသားသော "လင်္ကာ"ထဲမှာ

မှတ်သားဖူး၍ဓမ္မဒါနအဖြစ်ပြန်လည်မျှဝေခြင်းဖြစ်ပါသည်။