ပုတီးလမ်းဖြင့် သိဒ္ဓိတင်နည်း

 

ပုတီးလမ်းဖြင့် သိဒ္ဓိတင်နည်း

**************

လောကီလမ်းစဉ်မှာ သိဒ္ဓိတင်နည်းတွေ ကြားဘူးကြမှာပါ ။

အင်း သိဒ္ဓိ ၊ ဆေးသိဒ္ဓိ စသည်ဖြင့်ပေါ့ ။

အဆောင်တွေကို သိဒ္ဓိတင်တာကတော့ တွေ့ဘူးကြပါလိမ့်မယ် ။

ပုတီးနဲ့သိဒ္ဓိတင်တာကတော့ မတွေ့မိသလောက်ပါပဲ ။ လောကီလမ်းစဉ်ကို တကယ်လိုက်စားသူတွေအတွက် သိဒ္ဓိတင်နည်း ပြောပြပါမယ် ။

လောကီလမ်းစဉ်ပုတီးသမားအတွက်သာ ဖြစ်ပါတယ် ။

အင်း ဆေး လိုင်းတွေလို မဟုတ်တဲ့ ပုတီးသမားများဟာ ဂုဏ်တော်နဲ့ အဓိကသွားနေကြတယ်ဆိုတော့ ပုတီးနဲ့ မိမိခန္ဓာကိုယ်ကို သိဒ္ဓိတင်ပေးရပါတယ်။

နည်းလမ်းကတော့ မခက်ပါဘူး ။

အလေးအနက်ထား လုပ်ဖို့ပဲ လုပ်ပါတယ်။

ပုတီးလမ်းနဲ့ တကယ်လိုက်ရင်တော့ အသားကောင်းကောင်းနဲ့ စိပ်လို့ ကောင်းမယ့် ပုတီးကို ဆောင်ထားတာက အကောင်းဆုံးပါ ။

မိမိကိုယ်ပိုင်ပုတီးက မိမိလက်နက်ပါပဲ ။

ပုတီးနဲ့ မိမိ တသားတည်း ဖြစ်ဖို့ လိုပါတယ် ။

နည်းလမ်းကတော့ ပုတီးစိပ်ပြီးလို့ ဂုဏ်တော်ပွားပြီးရင် တန်းမဖြုတ်ပဲ မိမိပွားခဲ့တဲ့ ဂုဏ်တော်တွေကို အာရုံပြု ပြီး " ဂုဏ်တော်တွေ ငါ့အသွေးထဲ အသားထဲ စိမ့်၀င်သွားပြီ... ငါ့အသွေးအသားတွေက ဂုဏ်တော်တွေနဲ့ တည်ဆောက်ထားနေပြီ..." ဆိုပြီး တစ်မိနစ်ခန့် စိတ်ထဲ မှတ်ထင်ထားရပါတယ် ။

သမာဓိအလျောက် အဲဒီလို မိမိခန္ဓာကိုယ်ကို အာရုံပြုတဲ့အခါ

တစ်ချို့က မိမိခန္ဓာကိုယ်ကြီးမှာ ဖြူ လွလွ အရောင်ကို တွေ့မြင်ရတတ်ပါတယ် ။ ဂုဏ်တော်တွေ ပြည့်နှက်နေတဲ့ မိမိခန္ဓာကိုယ်ကို အာရုံပြု ပြီး

"ဗုဒ္ဓသိဒ္ဓိ ဓမ္မသိဒ္ဓိ သံဃသိဒ္ဓိ ၊ သိဒ္ဓိ သိဒ္ဓိ မဟာသိဒ္ဓိ ၊ သိဒ္ဓိအပေါင်း ထောင်သောင်း ၊ တက်ဆရာတက် ၊ ထက်ဆရာထက် ၊ ကြွဆရာ ကြွ ..." ဆိုပြီး သုံးကြိမ် စိတ်ထဲ ရွတ်ဆိုပေးရပါတယ် ။ ဒါက မိမိခန္ဓာကိုယ်ကို ဂုဏ်တော်သိဒ္ဓိတင်တာပါ ။

ဂုဏ်တော်နဲ့ အသွေးအသား ပေါင်းစပ်ခြင်းလို့ ခေါ်ပါတယ်။

မိမိခန္ဓာကိုယ်ကို သိဒ္ဓိတင်ပြီးရင် မိမိပုတီးစိပ်ခဲ့တဲ့ ပုတီးကို လက်အုပ် နှစ်

ဘက်နဲ့ ဆုပ်ကိုင် မြောက်ချီထားပြီး ဂုဏ်တော်တွေ ပုတီးထဲ စိမ့်၀င်နေသလို အာရုံပြု ပေးရပါတယ် ။

ပြီးရင် မိမိခန္ဓာကိုယ်ကို သိဒ္ဓိတင်သလို " ဗုဒ္ဓသိဒ္ဓိ ဓမ္မသိဒ္ဓိ သံဃသိဒ္ဓိ ၊ သိဒ္ဓိ သိဒ္ဓိ မဟာသိဒ္ဓိ ၊ သိဒ္ဓိအပေါင်း ထောင်သောင်း ၊ တက်ဆရာတက် ၊ ထက်ဆရာထက် ၊ ကြွဆရာကြွ..." ဆိုပြီး သုံးကြိမ် ရွတ်ဆိုပေးရပါတယ် ။ မိမိခန္ဓာကိုယ်ပဲ သိဒ္ဓိတင်တင် ၊ ပုတီးပဲ သိဒ္ဓိတင်တင် တစ်ထိုင်အတွင်း ပုတီးစိပ် ဂုဏ်တော်ပွားတဲ့အတိုင်း ဣရိယာပုတ် မပြင်ပါနဲ့ ။

နဂိုအနေအထားအတိုင်းနဲ့ သိဒ္ဓိတင်ပါ ။

ဒါမှ ထိရောက်တတ်ပါတယ် ။

သမာဓိအလျောက် ထူးခြားတာတွေ တွေ့ရတတ်ပြီး

အကျိုးထူးတွေ ကြုံတွေ့ရပါလိမ့်မယ် ။

သိဒ္ဓိအထပ်ထပ်တင်ထားတဲ့ မိမိပုတီးကို တွေ့ကရာ တစ်ခြားသူတွေကို ပေးမကိုင်ဖို့ သတိပြု ရပါတယ် ။

မှတ်ချက် - အခုနည်းက အဓိဋ္ဌာန်၀င်လေ့ရှိကြတဲ့ ပုတီးလမ်းစဉ် သမားအတွက်သာ ဖြစ်ပါတယ် ။