စကားကြီး ၃ ခွန်း
“စကားကြီး ၃ ခွန်း”
မြစ်ကြီးလည်းမခမ်းပါစေနဲ့။
သစ်ပင် ကြီးလည်း
မလဲပါစေနဲ့။
ထုံးအိုးကြီးလည်းမကွဲပါစေနဲ့။
မြစ်ကြီးမခမ်းပါစေနဲ့
မြစ်ကြီးမခမ်းပါစေနဲ့
ဆိုတာ အေးမြတဲ့ စမ်းရေလို ကြည်ကြည်လင်လင် တသွင်သွင်စီးဆင်းနေတဲ့ မေတ္တာမြစ်ကြီးကို ဆိုလိုတာလေ။ လူလူချင်းမေတ္တာထားကြ၊ မေတ္တာတရားတွေ ပွားများကြ၊ မေတ္တာတွေ မခမ်းကြစေနဲ့ ဆိုတဲ့အဓိပ္ပါယ်ပဲ။
သစ်ပင်ကြီးလည်းမလဲပါစေနဲ့
။
သစ်ပင် ကြီးဟာ အခက်အလက် အရွက်တွေ ဝေဝေဆာဆာနဲ့ အရိပ် အာဝါသကိုပေးတယ်။ ထို့အတူပဲ ဘုရားတရားသံဃာ ရတနာသုံးပါးရဲ့အရိပ် အာဝါသကောင်းကို ခိုလုံရလို့လည်း ကြီးပွားချမ်းသာခြင်းကိုရတယ်။ ဒီအရိပ် အာဝါသတွေကို အမိအရခိုလှုံဘို့လိုသလို အရိပ်အာဝါသတွေကိုမဖျက်ဆီးမိဘို့၊ ကျေးဇူးမကန်းမိဘို့ သတိထားရလိမ့်မယ်။ သစ်ပင်ကြီးကို ခုတ်လှဲပစ်ခြင်းဟာ အရိပ်အာဝါသကို ဖျက်ဆီးရာရောက်တာပဲ။ ဒါကြောင့် သစ်ပင်ကြီးမလဲအောင် ကြိုးစားထိမ်းသိမ်းကြ။
ထုံးအိုးကြီးလည်း မကွဲပါစေနဲ့
ထုံးအိုးကြီးလည်း မကွဲပါစေနဲ့ ဆိုတာကတော့ ရိုးရာ ဓလေ့ ထုံးစံတွေကိုပြောတာပါ။ မိဘဘိုးဘွားလက်ထက်ကတည်းက လိုက်နာကျင့်သုံးလာကြတဲ့ ယဉ်ကျေးမှုဓလေ့ထုံးတမ်းစဉ်လာ ကောင်းတွေ မပျောက်ပျက်ရအောင် ထိန်းသိမ်းပြီး ဗုဒ္ဓဘာသာဓလေ့ ယဉ်ယဉ်ကျေးကျေး သိမ်သိမ်မွေ့မွေ့ နေထိုင်ကြ။
- ရွှေဥမင်ဆရာတော် ဘုရားကြီး
Comments
Post a Comment