မနောမယအဓိဋ္ဌာန်စေတီပုတီးစိပ်နည်း(မင်းသိင်္ခ)

 

ပုတီးစစိပ်သောနေ့ မှာ မိမိမွေးနေ့ ဖြစ်ရပါမည်။ (၁၀၈) လုံးသော ပုတီး ဖြင့် စိပ်ရပါမည်။ စိပ်ရမည့်ဂါထာ မှာ.....

ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ
အနိစ္စ
ဒုက္ခ
အနတ္တ
အာနံ
ပါနံ
နိဗ္ဗာန် ..... ဖြစ်သည်။ တစ်ပါး လျှင်ပုတီး (၁) လုံး ချရပါမည်။

ပထမဦးစွာ အပယ်လေးဘုံ အတွက် စိပ်ရမည်ဖြစ်သည်။
အစရက် တွင် ငရဲဘုံ အတွက် (၅) ပတ်စိပ်ရပါမည်။
နောက်ရက် တွင် (၆) ပတ် စိပ်ရပါမည်။
ဤသို့ ဖြင့် တစ်နေ့ တစ်ပတ်တိုး ၍ (၁၂) ပတ် ရသည်အထိ စိပ်ရပါမည်။
ပုတီး စိပ် ပြီးတိုင်း ငရဲ တွင် ကျခံနေရသော ငရဲဘုံသား များအား မေတ္တာပို့ အမျှဝေပေးရပါမည်။ (၁၂) ပတ်ရောက် လျှင် ငရဲဘုံ အတွက် ပြီးပြီ ဖြစ်သည်။ (၈) ရက်

ဒုတိယ စိပ်ရမည် မှာ တိရစ္ဆာန် ဘုံ အတွက် ဖြစ်ပါသည်။
(၁၂) ပတ်က စစိပ်ရမည် ဖြစ်သည်။
နောက်ရက်တွင် (၁၁) ပတ် စိပ်ရပါမည်။
ဤသို့ ဖြင့် တစ်နေု့လျှင် တစ်ပတ်လျော့ ဖြင့် လျှော့ ၍ စိပ်သွားရပါမည်။
နေ့စဉ် ပုတီးစိပ်ပြီးတိုင်း တိရစ္ဆာန် များ ကို မေတ္တာပို့ အမျှပေးဝေရပါမည်။
(၅) ပတ်သို့ ရောက် လျှင် တိရစ္ဆာန် ဘုံ အတွက် ပုတီး စိပ်၍ ပြီးပြီဖြစ်သည်။ (၈) ရက်

နောက်တဆင့်စိပ်ရမည်မှာ ပြိတ္တာ ဘုံ အတွက် ဖြစ်ပါသည်။
(၅)ပတ်က စ ၍ စိပ်ရပါမည်။
တစ်နေ့ လျှင် တစ်ပတ်တိုး ဖြင့် (၁၂) ပတ် ရောက် လျှင် ပြိတ္တာ ဘုံ အတွက် ပုတီးစိပ်ခြင်း ပြီးပါသည်။
ပုတီးစိပ် ပြီးတိုင် ပြိတ္တာ များ ကို အမျှပေးဝေရပါမည်။ (၈) ရက်

ထို့နောက် .. အသူရကာယ်ဘုံသား များအတွက် စိပ်ရပါမည်။
(၁၂) ပတ်က စစိပ်ရပါမည်။
တစ်နေ့ လျှင် တစ် ပတ်လျော့ ဖြင့် (၅) ပတ် ရောက်သည့် နေ့တွင် အသူရကာယ်ဘုံအတွက်ပြီးပါသည်။
ပုတီးစိပ် ပြီးတိုင်း အသူရကာယ် များ ကို မေတ္တာပို့ အမျှပေးဝေရမည်။ (၈) ရက်

ငရဲ .. တိရစ္ဆာန် .. ပြိတ္တာ ... အသူရကာယ် ဘုံသား တို့အတွက် ပုတီးစိပ်သော ရက်ပေါင်း (၃၂) ရက် ရှိပါသည်။
(၃၂) ရက် ပြည့် ပြီး နောက်တစ်နေ့တွင် ယမမင်း အတွက် သီးခြား ပုတီး (၁၂) ပတ် စိပ်ပေးရပါမည်။ မေတ္တာပို့ အမျှပေးဝေရမည်။ ထိုနေ့တွင် သက်သတ်လွတ် စားရပါမည်။
အပါယ် လေး ဘုံ အတွက် စု့စု့ပေါင်း ပုတီးစိပ်ရက် (၃၃) ရက် ရှိ ပါ လိမ့်မည်။
ပြီး လျှင် လူ့ဘုံ အတွက် စိပ်ရပါမည်။
လူ့ဘုံ မှာ ပုဗ္ဗဝိဒေဟ ခေါ် အရှေ့ကျွန်း လူ့ဘုံ အတွက် ပုတီး (၉) ပတ် (၁) ရက်။
အပရာဂေါရာန ခေါ် အနောက်ကျွန်း လူ့ဘုံ အတွက် ပုတီး (၈) ပတ် (၁) ရက်။
ဥတ္တရကုရု့ ခေါ် မြောက်ကျွန်း လူ့ဘုံ အတွက် ပုတီး (၇) ပတ် (၁) ရက်။
ဇမ္ဗူဒီပါ ခေါ် တောင်ကျွန်း လူ့ဘုံ အတွက် ပုတီး (၆) ပတ် (၁) ရက် စိပ်ရပါမည်။
ပုတီး စိပ်ပြီးတိုင်း စိပ်ပြီးတိုင်း သုခိတ ဒုက္ခိတ လူအပေါင်းတို့အား မေတ္တာပို့ အမျှပေးဝေရပါမည်။
ဤ သို့ (၄) ရက် စိပ်ပြီးလျှင် နောက်တစ်ရက် ၌ ဓတရဌ ဝိရူပက္ခ ဝိရူဋ္ဌက ကုဝေရ ဟု့ဆိုအပ်သော နတ်မင်းကြီး
(၄) ပါး အတွက် ပုတီး (၄) ပတ် တစ်ရက်တည်းနှင့် စိပ်ရပါမည်။
ပုတီးစိပ်၍ ပြီးပါက ၎င်း နတ်မင်းကြီး (၄) ပါးအား မေတ္တာပို့ အမျှပေးဝေရပါမည်။
ထိုနေ့ တွင် သက်သတ်လွပ် စားရပါမည်။

နတ်ပြည် (၆) ထပ် အတွက် ဆက် ၍ ပုတီးစိပ်ရပါမည်။
ပရိနိမ္မိတဝဿဝတီ နတ်ပြည် အတွက် ပုတီး (၁) ပတ် ... (၁) ရက်။
နိမ္မာနရတိ နတ်ပြည် အတွက် ပုတီး (၁) ပတ် ..... (၁) ရက်
တုသိတာ နတ်ပြည် အတွက် ပုတီး (၁) ပတ် ..... (၁) ရက်
ယာမာ နတ်ပြည် အတွက် ပုတီး (၁) ပတ် ..... (၁) ရက်
တာဝတိံသာ နတ်ပြည် အတွက် ပုတီး (၁) ပတ် ..... (၁) ရက်
စတုမဟာရာဇ် နတ်ပြည် အတွက် ပုတီး (၁) ပတ် .... (၁) ရက် စိပ်ရပါမည်။
(၆) ရက် ပြည့် ပြီး လျှင် နတ်တို့ သနှင်း သိကြားမင်း အတွက် တစ်နေ့တည်း ပုတီး (၁၃) ပတ် စိပ်ပေးရပါမည်။
ပုတီးစိပ် ပြီးနောက် သိကြားမင်းအား မေတ္တာပို့ အမျှပေးဝေရပါမည်။
သိကြားမင်း အတွက် ပုတီးစိပ်သောနေ့တွင် သက်သတ်လွတ် စားရပါမည်။
ထို့အပြင် သိကြားမင်း အတွက် ပုတီးစိပ်သောနေ့တွင် ကြွေပန်းကန်ပြား ထဲတွင် ဖီးကြမ်းငှက်ပျောသီးမှည့် (၁၀)လုံး ကိုအခွံနွှာ ၍ အပေါ် တွင် သကြား ဖြူးရပါမည်။ ထို ငှက်ပျောသီး ပေါ်တွင် ဖယောင်းတိုင် တစ်တိုင်စိုက် ၍ သိကြားမင်းအား ကပ်လှုရပါမည်။ ထိုနေ့တွင် မိမိ လိုအပ်သော ဆု့ ကို တောင်းရပါမည်။ သိကြားမင်း အတွက် ပုတီးစိပ် ပြီးသည့် ရက် သည် (၄၅) ရက် တိတိ ရှိပါလိမ့်မည်။

ဆက်လက် ၍ ဗြဟ္မာ ဘုံ အတွက် စိပ်ရပါမည်။
ရူပဝစရ ဗြဟ္မာဘုံ (၁၆) ဘုံ အတွက် ပုတီး (၉) ပတ် .....(၁) ရက်
အရူပဝစရ ဗြဟ္မာဘုံ (၄) ဘုံ အတွက် ပုတီး (၉) ပတ် .... (၁) ရက်
ပုတီးစိပ် ပြီးတိုင်း မေတ္တာပို့ အမျှပေးဝေ ရပါမည်။
ထိုရက် များတွင် သက်သတ်လွတ်စားရပါမည်။
ဗြဟ္မာဘုံ အတွက် ပုတီးစိပ်ပြီးလျှင် နောက်တစ်ရက် တွင် မိမိ အလိုရှိရာ ကိစ္စ ပြီးမြောက်စေကြောင်း ဆုတောင်း၍ ပုတီး (၁၀) ပတ် စိပ်ရပါမည်။ (၃၁) ဘုံ ရှိ သုခိတ ဒုက္ခိတ သတ္တဝါ အပေါင်း တို့ကို မေတ္တာပို့ အမျှပေးဝေရမည်။

ပြီးလျှင် နောက်တစ်ရက် ၌ လည်း ထို အတိုင်း ပုတီး (၉) ပတ်စိပ် ၍ မိမိ လိုအင် ဆန္ဒ ကို ဆု့တောင်းရပါမည်။
ထို (၂) ရက် တွင် ၅ ပါး သီလ ၈ ပါးသီလ ၉ ပါး သီလ စသဖြင့် မိမိစွမ်းနိုင်သော သီလ ဆောက်တည်ရပါမည်။
ဤ တွင် (၄၉) ရက် အဓိဋ္ဌာန် ပြီးမြောက်ပြီး ပုတီးပတ် ပေါင်း (၂၇၀) စိပ်ပြီး ဖြစ်ပါသည်။
ထို အဓိဋ္ဌာန် (၄၉) ရက် အတွင်း သက်သတ်လွတ် (၅)ကြိမ် စား ပြီး ဖြစ်သည်။
သီလ (၂) ကြိမ် ဆောက်တည် ပြီး ဖြစ်သည်။
လွန်စွာ ထူး ခြား သော ပုတီးစိပ်နည်း ဖြစ်ပြီး ... မုဒုံ မြို့ ဂျူံးဂျူံးကျ တောရ ပထမဆရာတော် ဘုရားကြီး ၏
ထေရုပ္ပတ္တိ ကထာ တွင် ပါရှိသည့် ပုတီးစိပ်နည်း လည်း ဖြစ်ပါသည်။
စိပ်နေစဉ် အတွင်း အဓိဋ္ဌာန် တစ်ဖြတ် ဘုံတစ်ဘုံ အတွင်း အိမ်မက်ထူး များမက်၏။
လိုအင်ဆန္ဒ များ ပြည့်ဝစေ၏။
ထို ပုတီးစိပ်နည်း အား " မနောမယ အဓိဋ္ဌာန် ပုတီးစေတီ " ဟု့ ခေါ်တွင်ပါသည်။

#မင်းသိင်္ခ ( ဂမ္ဘီရ ပုတီးစိပ်နည်း )