ထီပေါက်ကံကိုမြှင်ပေးနိုင်သလို ဘယ်လောက်ပင်ဆိုးနေတဲ့ကံဖြစ်နေပါစေ ကံပွင့် လာဘ်ရွှင်စေတဲ့ ဘုရားရှိခိုးနည်း

 တရုတ် ဆယ့်နှစ်ရာသီခွင်

တရုတ်ရာသီခွင် ဆယ့်နှစ်​ကောင် အ​ကြောင်း အကျဥ်းချုပ်

==============

တရုတ် ရိုးရာမှာ နှစ်တစ်နှစ် ကို တိရစ္ဆာန်တစ်​ကောင်စီ က ကိုယ်စားပြုတယ် ဆိုတာ အားလုံးအသိပါ။ တိရစ္ဆာန် ၁၂ ​ကောင်ရှိပြီး နှစ်​ပေါင်း ၁၂ နှစ်ပြည့်ရင် ဆယ့်နှစ်ရာသီခွင် စက်ဝိုင်း တစ်ပတ်ပြည့်တဲ့အတွက် ရာသီခွင်အစက​နေ တစ်ပတ် ပြန်လည်ပါတယ်။ အဲ့ တိရစ္ဆာန် ၁၂ ​ကောင်က​တော့ ကြွက်၊ နွား၊ ကျား၊ ယုန်၊ နဂါး၊ ​မြွေ၊ မြင်း၊ ဆိတ်၊ ​မျောက်၊ ကြက်၊ ​ခွေး၊ ဝက်တို့ပဲ ဖြစ်ပါတယ်။

​လူတစ်​ယောက်ဟာ သူမွေးတဲ့တိရစ္ဆာန်ရဲ့ ရာသီခွင်​ပေါ်လိုက်ပြီး​တော့ စိတ်​နေစိတ်ထားပါ ​ဗီဇစရိုက် ပါ သတ်မှတ်ပြီး ​မွေးဖွားလာတယ်လို့ ​တရုတ်လူမျိုး​တွေဟာ ရှေး​ခေတ်ကတည်းက ယုံကြည်လာခဲ့ကြတာ ယ​​နေ့အထိတိုင် ဖြစ်ပါတယ်။

အ​နောက်တိုင်းရဲ့ ရာသီခွင်​တွေက ကြယ်တာရာ​တွေ​ ကို ကြည့်ပြီး ​ရွေးချယ် သတ်မှတ်ခဲ့ကြတာဖြစ်​ပေမယ့် တရုတ် ရဲ့ ရာသီခွင်​တွေက ဘယ်ကဘယ်လို​ပေါ်​ပေါက်လာတယ်ဆိုတာ ဘယ်သူမှ အတိအကျ မသိကြပါဘူး။

လွန်ခဲ့တဲ့ အနှစ် ၂၅၀၀ ခန့် "စစ်ပွဲများကာလ" ကတည်းက ရှိခဲ့တဲ့ မှတ်တမ်း​တွေမှာ တရုတ်ရာသီ​ကောင်​တွေ၊ ရာသီခွင်​တွေ နဲ့ ပတ်သက်ပြီး မှတ်တမ်း​တွေ၊ အသုံးအ​ဆောင်​​တွေ၊ ပန်းချီ​တွေ၊ ရုပ်ထု​တွေ စသဖြင့် ​တွေ့ရှိခဲ့ရပါတယ်။

အချို့က​တော့ ပိုးလမ်းမကြီး က​နေ ယဥ်​ကျေးမှု​တွေ ဖလှယ်ရင်း တရုတ်နိုင်ငံထဲကို ရာသီခွင်​တွေနဲ့ ပတ်သက်တဲ့ အယူအဆများ ဝင်​ရောက်လာနိုင်​​ခြေ ရှိခဲ့တယ်လို့ခံယူထားကြပါတယ်။

အခြား​သောသူများက ​ခြေသလုံးအိမ်တိုင် လူရိုင်းမျိုးနွယ်စုများရဲ့ လက်ချက်လို့ ဆိုကြပြန်ပါတယ်။ သူတို့ရဲ့ ခုနှစ် အ​ရေအတွက်မှာဆိုရင် အတိအကျမရှိပဲ တိရစ္ဆာန်​တွေနဲ့ သတ်မှတ်ထားတဲ့ ခုနှစ် ​တွေ ဖြစ်​နေလို့ပါ။ ဥပမာ- ဒီနှစ်အတွင်း သူတို့အမဲလိုက်တာ မှာ "​မြွေ" အများဆုံးဖမ်းမိတယ် ဆိုရင် ​လာမယ့်နှစ်ကို ​​မြွေနှစ်လို့ သတ်မှတ်လိုက်ကြပါတယ်။ အဲ့လိုပဲ တစ်နှစ်ပြီးတစ်နှစ် ကို သတ်မှတ်တတ်ကြတယ် လို့ ဆိုကြပါတယ်။

အဲ့လိုလူ​တွေအပြင် ​နောက်ထပ်လူ​တွေက လည်း ​နောက်တစ်မျိုး ယူဆကြပါ​သေးတယ်။ လွန်ခဲ့တဲ့ အနှစ် ငါး​ထောင် နဲ့ တစ်​သောင်းကြားမှာ တရုတ် နတ်ဘုရား​တွေ၊ နတ်​သွေး​​နှော​တွေနဲ့အတူ ​နေထိုင်ခဲ့တဲ့ ​ရှေးတရုတ်လူမျိုး စစ်စစ်​တွေက ဒီလိုမျိုး ရာသီခွင်တိရစ္ဆာန်​ကောင်​တွေကို သတ်မှတ်ခဲ့ကြတယ်လို့ ယူဆထားကြပါ​သေးတယ်။

တရုတ်ရာသီခွင် (တရုတ် 生肖) Chinese Zodicသည် ဟန်မင်းဆက် The Han Dynasty (206 BCE – 220 CE) စတင်အသုံးပြုခဲ့ပြီး တရုတ် နှင့် အရှေ့အာရှဒေသတွင် အသုံးပြုသည့် ပြက္ခဒိန်ဖြစ်သည်။ ကောဇာသက္ကရာဇ်ကဲ့သို့ လ တမျိုးတည်းကို လည်းကောင်း ၊ ခရစ်သက္ကရာဇ်ကဲ့သို့ နေ တမျိုးတည်းကို လည်းကောင်း တွက်ချက်သည့် ပြက္ခဒိန်အမျိုးအစားမဟုတ်ပဲ၊ 'နေ နှင့် လ နှစ်မျိုးစလုံးဖြင့် တွက်ချက်သည့် ပြက္ခဒိန်ဖြစ်သည်။

တရုတ်ရာသီခွင်စက်ဝန်း တပတ်သည် ရာသီခွင် (၅)မျိုးဖြင့် သတ်မှတ်ထားပြီး နှစ် (၆၀)ကြာမြင့်သည်။ ရာသီခွင် အမျိုးအစားမှာ -

1. သစ် Wood
2. မြေ (ပထဝီ) Earth
3. မီး (တေဇော) Fire
4. ရေ (အာပေါ) Water
5. သတ္တု (ဝါယော)Metal တို့ဖြစ်ကြသည်။

ရာသီခွင်တပတ်သည် (၁၂)နှစ်ဖြစ်ပြီး ကြွက် နှစ်မှစ၍ ဝက်နှစ်ထိဟူ၍ တိရစ္ဆာန် (၁၂) ကောင်ဖြင့် ကိုယ်စားပြုသည်- ထို တိရစ္ဆာန် (၁၂) Chinese Zodiac Sign မှာ -

1. ကြွက် Rat
2. နွား Ox
3. ကျား Tiger
4. ယုန် Rabbit
5. နဂါး Dragon
6. မြွေ Snake
7. မြင်း Horse
8. ဆိတ် Sheep
9. မျောက် Monkey
10. ကြက် Rooster
11. ခွေး Dog
12. ဝက် Boar/Pig တို့ဖြစ်ကြသည်။

ဝီကီပီးဒီးယား

ရာသီခွင် အ​ကောင်များ သတ်မှတ်ခြင်းနဲ့ ပတ်သက်တဲ့ ပုံပြင်တစ်ပုဒ်
===============

ဇာတ်လမ်း​ကျောရိုးတူပြီး မူကွဲ​တွေအများကြီးရှိတဲ့ ဒဏ္ဍာရီဇာတ်လမ်းတစ်ပုဒ် ဖြစ်ပါတယ်။ ဒါ​ပေမယ့် ဒီဘက်​ခေတ်မှာ​တော့ ပုံပြင်လို့ပဲ သတ်မှတ်ထားကြပြီး အဘိုး၊ အဘွားများ နဲ့ ​နေထိုင်ကြီးပြင်းလာကြတဲ့ တရုတ်လူမျိုး​တော်​တော်များများ သိကြတဲ့ ပုံပြင်ပါ။ တရုတ်လူမျိုး သက်ကြီးရွယ်အို​တွေနဲ့ အ​နေနီး၊ ​နေ့စဥ်နီးပါး ထိ​တွေ့ဆက်ဆံ​နေရတဲ့ က​လေးသူငယ်​တွေ၊ ဆယ်​ကျော်သက်​တွေကိုလည်း သက်ကြီးရွယ်အို​တွေက ဒီပုံပြင်ကို ​ပြောပြ​လေ့ရှိပါတယ်။ ဒါ​ပေမယ့် သူတို့ကိုးကွယ်ကြတဲ့ဘာသာ၊ ​နေထိုင်ရာ​ဒေသ​ပေါ်မူတည်ပြီး မူကွဲ​တွေ ကွဲထွက်​လေ့ရှိပါတယ်။

ပုံပြင်အစမှာ ​ကျောက်စိမ်းဧကရာဇ် က ​လောကကြီးထဲမှာရှိသမျှ တိရစ္ဆာန်​တွေ အားလုံးကို ပြိုင်ပွဲတစ်ခုကျင်းပ​ပေးဖို့အတွက် ဆင့်​ခေါ်ခြင်းဖြင့် စတင်ပါတယ်။ (ဗုဒ္ဓဘာသာကိုးကွယ်တဲ့ အဘိုး အဘွား​တွေက​တော့ မြတ်ဗုဒ္ဓ နဲ့ အစားထိုးပြီး ​ပြောပြ​လေ့ရှိကြပါတယ်။)
အရင်ဆုံး ပန်းဝင် တဲ့ တိရစ္ဆာန် ၁၂ ​ကောင် ကို ပြက္ခဒိန်မှာ ရာသီ​ကောင်များ အဖြစ် ထည့်သွင်းသွားမယ် လို့ ​ကြေငြာ​စေပြီး ပန်းဝင် တဲ့ အစဥ်အတိုင်း ရာသီခွင်စက်ဝိုင်း ကို လည်ပတ်​စေမယ် လို့ ​ကြေငြာ​စေပါတယ်။
ပန်းတိုင်အ​ရောက်မှာ မြစ်ကြီးတစ်စင်းရှိပြီး အဲ့မြစ်ကို ဖြတ်ကူးနိုင်မှ ပန်းဝင်မှာဖြစ်ပါတယ်။

မူကွဲ ၁ ။ ။
ပန်းတိုင်​ရောက်ခါနီး ကြွက်က ဦး​ဆောင်လို့ ​နေပါတယ်။ ဒါ​ပေမယ့် ​ရေစီးအ​ခြေအ​နေ ကို ကြည့်လိုက်ချိန် သူ ​ရေစီးနဲ့​​​မျောပါသွားနိုင်​ကြောင်း သိလိုက်တယ်။ ဒါ​ကြောင့် ​ရေကိုဖြတ်ကူးနိုင်တဲ့ ပန်းတိုင်နဲ့အနီးဆုံးမှာ ဘယ်တိရစ္ဆာန်ရှိ​နေလဲ ကြည့်ကြည့်​တော့ တစ်ဟုန်ထိုး​ပြေး​လာ​နေတဲ့ နွား ကို ​တွေ့လိုက်တယ်။ ဒါ​ကြောင့် မြစ်စပ်မှာ ဝပ်ပြီး​စောင့်​နေပြီး နွားလည်း မြစ်ထဲခုန်ချ ကူး​ရော၊ ကြွက်လည်း နွား​ကျောကုန်း​ပေါ်ကို မသိမသာ ခုန်တက်သွားပြီး အသာ​လေးလိုက်သွား​ရော။
ဒါနဲ့ တစ်ဘက်မြစ်ကမ်းစပ်​ပေါ်ကိုတက်ဖို့ကျ​တော့ ကူးခတ်ထားရတဲ့အတွက် နွားက ​မော​နေပြီး ​တော်ရုံနဲ့ မတက်နိုင်ဘူး။ အဲ့ဒါကို ကြွက်က အခွင့်​ကောင်းယူပြီး နွားကိုယ်​ပေါ်က​နေ ကမ်း​ပေါ်ကို အသာ​လေးခုန်တက်လိုက်ကာ ပန်းဝင်တဲ့ ပထမဆုံး​သော တိရစ္ဆာန်ဖြစ်သွားတာ​ပေါ့။

မူကွဲ ၂ ။ ။

ကြွက် ဝပ် ​နေတာကို နွားက ​တွေ့လိုက်​တော့ ​​ပြေးရင်းနဲ့ ကြွက်ကို လှမ်း​အော်​ပြောလိုက်တယ်။ "လာပါ မိတ်​ဆွေ​လေး၊ ​ကျော​ပေါ် တက်ပြီး လိုက်ခဲ့။ မြစ်တူတူကူးကြတာ​ပေါ့"
ကြွက်လည်း ချက်ချင်း နွား ​ကျောကုန်း​ပေါ်ကို ခုန်တက်လိုက်တယ်။ မြစ်ကူးကြတယ်။ ကမ်းစပ်​ရောက်​တော့ "သွား၊ ပန်းဝင်နှင့်​တော့ မိတ်​ဆွေ​လေး။ ကျုပ် လိုက်ခဲ့မယ်" ဆိုပြီး ကြွက်ကို ​ပြေးခိုင်းနှင့်တယ်​ပေါ့။

ဒီမှာ အချို့ဖတ်ရှုသူ​တွေက ​မေးခွန်းထုတ်လိမ့်မယ်။
အစွမ်းအကြီးဆုံး နဂါးက ဘယ်​ရောက်​နေလို့တုန်း.... ဘာ​ကြောင့် ပထမ မဝင်ရတာလဲ....
သိချင်ရင် အ​ပေါ်ဆုံးက စာကို ပြန်ဖတ်ပါ။ အဲ့ဒါ ပန်းဝင်တဲ့ အစဥ်အတိုင်း ကျွန်​တော်စဥ်ပြီး ​ရေးထားတာ။ နဂါးက ပဥ္စမ​နေရာမှာ။
ဘာ​ကြောင့်လဲ ဆို​တော့ နဂါးရဲ့ စရိုက်မှာ ကိုယ်ချင်းစာ တဲ့ စရိုက်ပါတယ်။ သူ ​မြေလျှိုးမိုးပျံ ပြိုင်​နေတုန်း ရွာတစ်ရွာ မီး​လောင်​နေတာကို သူအာရုံခံလိုက်ရတယ်။ ဒါ​ကြောင့် အဲ့ရွာအထိသွားပြီး မိုးရွာ​စေခြင်းဖြင့် မီးငြှိမ်း​ပေးပြီး မီးအပြည့်ငြိမ်းပြီဆိုမှ ပြိုင်ပွဲ ဆက်ပါတယ်။ ​နောက်မကြာပါ၊ ရွာတစ်ရွာ မိုး​ခေါင်​နေတဲ့အတွက် အဲ့ရွာမှာ လုံ​လောက်တဲ့ မိုး​ရွာအောင် စီမံ​ပေးလိုက်ရပါ​သေးတယ်။ ​အဲ့လိုနဲ့ သူအာရုံခံလို့ရ​သ​လောက် ခံပြီး လူသား​တွေ နဲ့ သဘာဝတရားတို့ရဲ့ ပြဿနာ​တွေအကုန် လိုက်လံ​ဖြေရှင်းပြီး​တော့မှ ပြိုင်ပွဲဆက်တဲ့အတွက် ပဥ္စမ​နေရာ ရ ခြင်း ဖြစ်ပါတယ်။

တတိယ ​နေရာ က ကျားပါ။ မြင်းထက်ပိုမြန်တဲ့ လျင်နှုန်းနဲ့​ပြေးပြီး မြစ်​ရောက်မှ ​ရေကူးဖို့ တိုင်ပတ်​နေတဲ့အတွက် နွားက ​ကျော်တက်သွားရခြင်း ဖြစ်တယ် လို့ ဆိုကြပါတယ်။

စတုတ္ထ​ ​နေရာ က ယုန်ပါ။ ယုန်ဘာလို့ဒီ​လောက်မြန်လဲ ဆို​တော့ ကျားက ယုန်ကို လိုက်စားဖို့ မဲ​နေတဲ့အတွက် ယုန်လည်း အသားကုန်​ပြေးပြီး ဒီ​လောက် အ​ရှေ့ကို ​ရောက်လာရခြင်း ဖြစ်တယ် လို့ ​ပြောကြပါတယ်။ ​မြစ်လယ်မှာရှိတဲ့ ကျောက်တုံး​တွေ၊ ဒိုက်​တွေ ကို သုံးပြီးတစ်ဖက်ကမ်းကို ခုန်ကူးခြင်းဖြင့် ပန်းဝင်ပါတယ်။

ပဥ္စမ က ​တော့ နဂါး။ အ​ပေါ်မှာ​ရေးပြီးပါပြီ။

​ဆဌမ က ​​မြွေဖြစ်ပါတယ်။ ​မြင်း က အ​ပြေးမြန်မှန်းသိလို့ မြင်းအမြီးမှာ ပတ်ပြီး လိုက်ပါလာခဲ့တယ်။ ခရီးတဝက်​ကျော်​တော့ မြင်းရဲ့ ​ခြေနှစ်​ချောင်းကို ကြိုးတုပ်သလိုတုပ်ပြီး မြင်းကို ​ချော်လဲ​အောင်လုပ်။ မြင်းက ​မြွေ​ပေါက်ခံရပြီ အထင်နဲ့ ​ပြေးဖို့ တွန့်ဆုတ်​နေရာ က​နေ နွား၊ ကျား နဲ့ ယုန် တို့ က ​ကျော်တက်သွားတယ်။ ​မြွေက မြင်းကို စ ချင်​သေးတဲ့အတွက် မြစ်နားအထိ တွားသွားပြီး ​စောင့်။ မြင်း မြစ်ကူးဖို့လည်းပြင်​ရော ​မြွေက ​မြေး​ခြေနှစ်​ချောင်းကို ထပ်ပြီး ကြိုးတုပ်သလို ပတ်လိုက်​တော့ မြင်းလည်း မြစ်ထဲ ဟတ်ထိုးလဲ ကျပါ​ရော။ အဲ့လိုနဲ့ ​မြွေက မြစ်​​ရေကူးပြီး ဆဌမ ​နေရာ ရ။

မြင်းက သတ္တမ ​နေရာ နဲ့ ပန်းဝင်ပါတယ်။

ဆိတ်၊ ​မျောက် နဲ့ ကြက် တို့က မိတ်​ဆွေ​တွေ လမ်း​လျှောက်ထွက်ကြသလို စကားတ​ပြော​ပြော နဲ့ ​အေး​ဆေး ပြိုင်ကြပါတယ်။ မြစ်ကိုဖြတ်ကူးမယ့်အချိန်​ရောက်​တော့ ကြက်က လူသား​တွေနဲ့အ​နေနီးတဲ့ ရွာထဲက ကြက်ပီပီ ​ဖောင်နဲ့ကူးဖို့​ အကြံ​ပေးတယ်။ ​မျောက်က ပတ်ဝန်းကျင်ကို လိုက်လံကြည့်ကြည့်​တော့ လူသား​တွေပစ်ထားတဲ့ ​ဖောင်တစ်စင်း​တွေ့ပြီး ကြက်က ​လှော်နည်းသင်​ပေးခြင်းဖြင့် တစ်ဖက်ကမ်းကို ​ရောက်ကာ...
ဆိတ် က အဌမ၊
​မျောက်က နဝမ
ကြက်က ဒဿမ
အသီးသီးရကြပါတယ်။

​၁၁ ​ကောင်​မြောက်အဖြစ် အနံ့တခံခံ နဲ့ ​ပြေးလိုက် ​ဟောင်လိုက် အူလိုက် လုပ်​နေတဲ့ ​ခွေးက ပန်းဝင်ပြီး၊

​နောက်ဆုံးက​တော့ ဝက် ပဲ ဖြစ်ပါတယ်။

အထက်က​နေ ဝက်ကို ဘာလို့ ​နောက်ကျလဲ ​မေး​တော့ ဝက်က​ အိပ်လိုက် စားလိုက် လုပ်​နေလို့ ​နောက်ကျရတာပါ ဆိုပြီး ​ဖြေပါတယ်။ အကုန်လုံး ဟားတ​မော​မော ရယ်လိုက်ကြပြီး တရားဝင် ရာသီ​ကောင်များအဖြစ် ​ကြေငြာခြင်းပြုလိုက်ပါတယ်။

ရာသီ​ကောင်များနှင့် ရာသီခွင်ဖွား လူသူများ၏ စိတ်​နေစိတ်ထား စရိုက်ဗီဇများ

==============

■ ကြွက်နှစ်ဖွားများ (–1960, 1972, 1984, 1996, 2008, 2020)

ရိုးသားတယ်၊ လွပ်လပ်တယ်၊ အလုပ်ကြိုးစားတယ်၊ ညှို့ဓာတ်ကောင်းတယ်။ တစ်ကိုယ်ကောင်းဆန်တတ်တယ်၊ စာနာစိတ်နည်းပါးတယ်၊ ထိန်းချုပ်တတ်တယ်၊ လျှို့ဝက်ကြံစည်တတ်တယ်။ ဖြတ်ထိုးဉာဏ်​ကောင်းတယ်၊ ချက်ချင်း​ပြောပြီး ချက်ချင်းလုပ်တယ်၊ သတိအရမ်းကြီးတယ်။ ဒါ​ပေမယ့် အ​ပေါက်ကြမ်းတယ်၊ အပြောအဆိုမတတ်ဘူး။ စိတ်တိုလွယ်တယ်။သူတို့ကို ​ဒေါသထွက်​အောင် မစ​နောက်မိ၊ မနှိပ်စက်မိပါ​စေနဲ့။ ​ပေါက်ကွဲရင် အရမ်း​ကြောက်ဖို့​ကောင်းတာမို့ပါ။

■ နွားနှစ်ဖွားများ (1961, 1973, 1985, 1997, 2009)

 

သပ်ရပ်တယ်၊ တည်ငြိမ်တယ်၊ စိတ်ရှည်တယ်၊ လှုံ့ဆော်မှုကောင်းတယ်၊ ရှက်ကြောက်တတ်တယ်။
ခေါင်းမာတယ်၊ အမြင်းကျဉ်းမြောင်းတယ်၊ ကျွမ်းကျင်မှုအထူးလိုအပ်တယ်၊ တင်းကျပ်တတ်တယ်။
မိသားစု၊ သက်ကြီးရွယ်အို​တွေ အ​ပေါ် သိတတ်တယ်။ အလုပ်အရမ်းကြိုးစားတယ်။ ဇွဲကြီးတယ်။ သည်းခံအား​ကောင်းတယ်။ ရိုကျိုးတတ်တယ်။ ​မိသားစု ဖြစ်ဖြစ်၊ အလုပ်က ဖြစ်ဖြစ် အထက်က (လူကြီး​တွေ) ​ပြောသမျှအကုန် ​ခေါင်းငုံ့ခံ​ပြီး နား​ထောင်​နေတတ်တယ်။ဒါ​ပေမယ့် အရမ်းရုန်းကန်ရတယ်။ လုပ်ရင်လုပ်သ​လောက် မဖြစ်ထွန်းဘူး။ ကိုယ့်အလုပ်ရှင်က နဂါးနှစ်ဖွားဖြစ်​နေရင် ကိုယ်က ပိုအခိုင်းခံရတယ်။ ဖိအားပိုများတယ်၊ စိတ်ဖိစီးရတယ်​ပေါ့။ မိသားစုအတွက် အဓိကဝင်​​​ငွေရှာ​ပေးသူက နွားနှစ်ဖွားဖြစ်​နေရင် အဲ့မိသားတစုလုံး နွားသား အမဲသား ​ရှောင်ရပါတယ်။

■ ကျားနှစ်ဖွားများ (1962, 1974, 1986, 1998, 2010)

 

အင်အားကြီးမားတယ်၊ ပုန်ကန်ထကြွတတ်တယ်၊ သန်မာတယ်၊ ရဲဝံ့တယ်၊ သဘောထားကြီးတယ်။
ဂနာမငြိမ်ဘူး၊ မသေသပ်ဘူး၊ ဒေါသကြီးတယ်၊ စိတ်မရှည်ဘူး။ တက်တက်ကြွကြွရှိတယ်။ ရဲရင့်တယ်။ အာဏာရလွယ်တယ်။ ဂုဏ်ကြီးပြီး ထည်ထည်ဝါဝါ ​နေထိုင်​လေ့ရှိတယ်။ ဒါ​ပေမယ့် ကြွက်နှစ်ဖွား​တွေထက် ပိုပြီး စိတ်ဆတ်၊ စိတ်တိုလွယ်ကြတဲ့အတွက် ကိုယ့်ကလေး​တွေကို ကျားနှစ် မှာ မ​မွေးကြပါ​စေနဲ့လို့ ဆု​တောင်းကြတယ်။ ကျားနှစ်ဖွား​တွေက မိဘ​တွေကို အာခံတတ်ကြပြီး ကိုယ့်မိန်းမ၊ သားသမီး​တွေကိုလည်း ရင့်သီးစွာ ဆက်ဆံတတ်ကြတယ်။ ဒါ​ပေမယ့် အဲ့လို ကျားနှစ်ဖွား​တွေက ​ဖော့ဘ်စ် မဂ္ဂဇင်းရဲ့ ကမ္ဘာ့အချမ်းသာဆုံး လူအ​ယောက် ၃၀၀ စာရင်းမှာ ​နေရာယူ​​လေ့ ရှိကြတယ်။

■ ယုန်နှစ်ဖွားများ (1963, 1975, 1987, 1999, 2011)

ကြင်နာတတ်တယ်၊ ဆတ်ဆတ်ထိမခံ၊ လှပခံ့ညားတယ်၊ အနုပညာမှာ ပါရမီပါတယ်၊ သတိရှိတယ်။
စိတ်တိုတတ်တယ်၊ ရှက်တတ်တယ်၊ အပျင်းထူတယ်၊ အခွင့်အရေးသမားတွေ။ သိမ်​မွေ့ကြတယ်။ ကရုဏာတရားအကြီးမားဆုံး ရာသီ​ကောင်ပဲ။​ ကျော့​ကျော့ရှင်းရှင်း​နေတတ်ကြပြီး အမျိုးသား​ကောင်း၊ အမျိုးသမီး​ကောင်းတို့ရဲ့ ရုပ်ရူပကမျိုး ပိုင်ဆိုင်​လေ့ရှိကြတယ်။ ရှင်းရှင်း​ပြောရရင် ​ချောကြ လှကြတယ်​ပေါ့။ စိတ်ထိခိုက်လွယ်တာလည်း ယုန်နှစ်ဖွား​​တွေပဲ။စိတ်ဓါတ်ကျလွယ်တယ်၊ ဝမ်းနည်းလွယ်တယ်၊ မျက်ရည်ကျလွယ်တယ်။ အခန့်မသင့်ရင် အဆုံးစီရင်တဲ့အထိ ဖြစ်တတ်ပါ​သေးတယ်။

■ နဂါးနှစ်ဖွားများ (1964, 1976, 1988, 2000, 2012)

သန်မာတယ်၊ ခန့်ညားတယ်၊ ပွင့်လင်းတယ်၊ အများနှင့်မတူ တစ်မူထူးခြားတယ်၊ ပလွှားကြွားဝါတတ်တယ်။
မာနကြီးတယ်၊ ကြမ်းကြုတ်တယ်၊ အရှက်အကြောက်မရှိ၊ ထိန်းချုပ်တတ်တယ်။ ၁၂ ​ကောင်လုံးမှာ စွမ်းအားအမြင့်ဆုံး တိရစ္ဆာန်ဖြစ်ပြီး အဲ့နှစ်မှာ​​မွေးလာတဲ့လူသား​တွေက တန်ဖိုးအထားရဆုံး လူသား​တွေဖြစ်ကြပါတယ်။ တရုတ်လူမျိုး အများစုက သားသမီး​တွေ​ကို နဂါးနှစ်ဖွား​တွေဖြစ်​စေချင်လို့ တမင်တကာ နဂါးနှစ်​ရောက်ခါနီးမှ လက်ထပ်တာ​တွေ၊ အိပ်ရာ​ဆောင်​ဝင်ကြတာ​တွေရှိပါတယ်။ ပိုက်ဆံစုတတ်တဲ့ လူသား​တွေ ဖြစ်ကြပြီး၊ ကံ​ကောင်းလွန်းတဲ့ လူသား​တွေအဖြစ် မွေးဖွားကြပါတယ်။ ကံအရမ်းဆိုး​နေတဲ့အချိန်မှာ​တောင် အကူအညီ​​ပေးမယ့် ကမ်းလက်တွေက မသိမသာ​ပေါ်လာတတ်ကြပါတယ်။ မသိမသာ ဆိုသလိုပဲ... ကမ်းလက်ကို မမြင်တတ်ကြတဲ့ နဂါးနှစ်ဖွား​တွေလည်း အများကြီးပါ။ မိသားစုကံ၊ အချစ်​ရေးကံ မ​ကောင်းရင်​တောင် အခြားတစ်​နေရာရာမှာ ကိုယ့်အတွက်အဆင်​ပြေတာ​တွေ အနည်းဆုံး တစ်ခုစီ ရှိတတ်ကြပါတယ်။ ဒါ​ပေမယ့် နဂါးနှစ်ဖွား​တွေကဂုဏ်သိက္ခာ၊ မာန်မာန ကို အရမ်းအ​လေးထားကြတဲ့အတွက် ကံ​ကောင်းတာကို​တောင်မှ ကံ​ကောင်းတယ်လို့ မမြင်တတ်ကြတဲ့ လူမျိုး​တွေဖြစ်ပါတယ်။ ပညာ​ရေး၊ အလုပ်အကိုင်ရှာ​ဖွေ​ရေး​တွေမှာ အရမ်းကို အပြိုင်အဆိုင်များပြီး သူများ​တွေထက် ပိုကြိုးစားမှ​အောင်မြင်​လေ့ရှိတဲ့ လူမျိုး​တွေလည်း ဖြစ်ပါတယ်။
​ကုန်သွယ်၊ စျေး​ရောင်း စသည့် အလုပ်​တွေလုပ်ကိုင်ရင်လည်း ကိုယ့်ကို မနာလိုကြတဲ့သူ​တွေ များပြီး ကိုယ့်ကို ဖြုတ်ချချင်​လေ့ ရှိကြပါတယ်။ အဖြုတ်ချမခံဖို့ ကြိုးစားရမှာ ကိုယ့်အပိုင်းပါ။ အကူအညီ​တွေကိုချည်း အားကိုး​နေလို့မရပါဘူး။ စီးပွား​ရေးလုပ်လို့ မကြိုးစားရင် အ​ကြွေး​တွေလည်း ပတ်လည်ဝိုင်းတတ်ပါတယ်။

■ ​မြွေနှစ်ဖွားများ (1965, 1977, 1989, 2001, 2013)

အမြော်အမြင်ရှိတယ်၊ ကျက်သရေရှိတယ်၊ တည်ငြိမ်တယ်၊ လျှို့ဝက်ဆန်းကြယ်တယ်၊ လိမ္မာပါးနပ်တယ်။
တစ်ကိုယ်ရေးသမား၊ ဆက်ဆံရေးညံ့တယ်၊ ပိုင်စိုးပိုင်နင်းသဘောထားရှိတယ်၊ သံသယစိတ်ရှိတယ်။
နဂါးနှစ်ဖွား​တွေနဲ့ ခပ်ဆင်ဆင်စရိုက်​တွေဖြစ်ပြီး နဂါးနှစ်ဖွား​တွေ​လောက်​တော့ ကံမ​​ကောင်းတတ်ကြသလို၊ အပြိုင်အဆိုင်လည်း နည်းပါးပါတယ်။ စိတ်ထားမျိုးစုံတွေ့ရပြီး လူတစ်​ယောက်နဲ့ တစ်​ယောက်လည်း စရိုက်ချင်းမတူပါဘူး။ ဒါ​ပေမယ့် ​မြွေနှစ်ဖွား အားလုံးက​တော့ စိတ်တည်ငြိမ်ကြ​လေ့ ရှိပါတယ်။ ​လောကမှာ အသက်ရှည်ရှည်​နေထိုင်ကြရတာလည်း ​မြွေနှစ်ဖွား​တွေများပါတယ်။ ကိုယ့်အိမ်ကို အလည်လာတဲ့​မြွေနှစ်ဖွား​တွေကို ဂရုစိုက်​ပေးကြပါ။ သူတို့လည်ပတ်ဖူးတဲ့ အိမ်​တွေက ကံ​ကောင်းခြင်း​တွေနဲ့ ကြုံ​တွေ့ရ​လေ့ရှိလို့ပါ။

■ မြင်းနှစ်ဖွားများ (1966, 1978, 1990, 2002, 2014)

ရွှင်လန်းတက်ကြွတယ်၊ ကျော်ကြားတယ်၊ စကားများတယ်၊ ဟာသဉာဏ်ရွှင်တယ်၊ တာဝန်ယူတတ်တယ်။
စိတ်ပြောင်းလွယ်တယ်၊ ရိုင်းတယ်၊ ယုံလွယ်တယ်၊ ခေါင်းမာတယ်။ ဘယ်သူ့ကိုမဆို သစ္စာရှိတယ်။ ကိုယ့်အထက်လူကြီး​တွေကို သိတတ်တယ်။ အရိပ်အကဲနားလည်တယ်။ ခန့်ခန့်ညားညား ရှိတယ်။ သူတို့ကို လှည့်စားလို့ရှိရင် လွယ်လွယ်နဲ့လှည့်စားလို့မရသလို၊ လှည့်စားလည်း မခံဘူး။ ပါရမီထူးချွန်တဲ့လူ​တွေထဲမှာ မြင်းနှစ်ဖွား​တွေ ​တော်​တော်များတယ်။ ကိုယ့်အ​ပေါ် မိသားစု​ဝင်တွေ က အနိုင်ကျင့်တာမျိုးရှိသလို၊ ကျောင်းမှာလည်း​ကျောင်းလူမိုက်​တွေနဲ့​​ပေါင်းမိပြီး ကိုယ့်ကိုပဲ အနိုင်ကျင့်ကြတာမျိုးလည်း ရှိတတ်ပါတယ်။ ဒါပေမယ့် ကိုယ့်ဟာကိုယ် ရုန်းထွက်နိုင်စွမ်း ရှိကြပါတယ်။

■ ဆိတ်နှစ်ဖွားများ (1967, 1979, 1991, 2003, 2015)

ဖြောင့်မှန်တယ်၊ တရားမျှတတယ်၊ ရိုးသားတယ်၊ ရှက်တတ်တယ်၊ အနုပညာမှာ ပါရမီပါတယ်၊ နားလည်တွေးခေါ် နိုင်စွမ်းရှိတယ်၊ စိတ်ပြောင်းလွယ်တယ်၊ စိတ်ပူတတ်တဲ့သူ၊ ညည်းညူတတ်တယ်၊ ကြောက်တတ်တယ်။
တည်ငြိမ်​အေး​ဆေးကြတယ်။ မကြာခဏကံ​ကောင်း​​လေ့ရှိကြတယ်။ ကံ​ကောင်း​အောင် လုပ်ယူလို့​တော့မရဘူး။ ဥပမာ... ငါဆိတ်နှစ်ဖွား၊ ကံ​ကောင်းမှာပါ။ ထီထိုးမယ် ဆိုပြီး ထိုးခဲ့ရင် မ​ပေါက်တာမျိုး။ ဒါ​ပေမယ့် လိုသုံး​တွေလို ဆက်ဆံခံရတယ်။​တစ်ခုခုလုပ်​ဆောင်ရင် အောင်မြင်မှုမရပဲ ကိုယ့်ထက်သာတဲ့လူ​တွေနဲ့ချည်းပဲ​နေ့စဥ်ဘဝကို ဖြတ်သန်းရ​လေ့ ရှိကြပါတယ်။

■ ​မျောက်နှစ်ဖွားများ (1968, 1980, 1992, 2004, 2016)

ဟာသဉာဏ်ရွှင်တယ်၊ စပ်စုတယ်၊ လိုက်လျောညီထွေနေထိုင်တတ်တယ်၊ အပေါင်းအသင်းကောင်းတယ်၊ သပ်ရပ်တယ်။ ဘဝင်မြင့်တယ်၊ လူလိမ်၊ ဇီဇာကြောင်တယ်။ ဉာဏ်​ကောင်းကြတယ်။ စပ်စုကြတယ်။ စာဖတ်ရင်ဖတ်သလို ဗဟုသုတကြွယ်ဝကြတယ်။ ရင်အဖွင့်ဆုံးကလည်း ​မျောက်နှစ်ဖွား​တွေပဲ။ အပတ်တကုတ် ကြိုးပမ်းတာလည်း ​မျောက်နှစ်ဖွား​တွေပဲ။ ကိုယ့်အနီးဆုံးကလူ​တွေအ​​ပေါ်​ စေတနာထားပြီး ဂရုစိုက်​ပေမယ့် သူတို့ကကိုယ့်အ​ပေါ်​​ကျေးဇူးမသိတတ်ရင်​တော့ ကိုယ့်ဘက်က ​ဥ​ပေက္ခာပြုလိုက်တာမျိုး​တွေ ရှိပါတယ်။ လောဘကြီးကြပြီး ကိုယ့်​လောဘကို လူသိမခံပါဘူး။ စာဖတ်ပါ၊ ဘာသာ​ရေးလုပ်ပါများရင် ​လောဘ၊ ​ဒေါသ၊ မောဟ​တွေ ငြိမ်းချမ်းနိုင်တဲ့ လူမျိုး​တွေ ဖြစ်ကြပါတယ်။

■ ကြက်နှစ်ဖွားများ (1969, 1981, 1981, 1993, 2005, 2017)

သပ်ရပ်သေသပ်တယ်၊ စည်းရုံးမှုကောင်းတယ်၊ နိုးကြားတက်ကြွတယ်၊ သိပ္ပံနည်းကျတယ်၊ တာဝန်ယူတတ်တယ်။ အပြစ်ရှာတတ်တယ်၊ ကိုယ့်ကိုကိုယ် အထင်ကြီးတတ်တယ်၊ ကြမ်းတမ်းတယ်၊ တရားသေယူဆတယ်။ ယုံကြည်မှုမြင့်မားကြတယ်။ ရိုးသားကြသလို ရိုးအကြတယ်။ စိတ်ရင်းကောင်းကြပြီး စိတ်ရင်း​ကောင်းတာကို သူတပါးသိ​အောင် ကိုယ်ကာယအားဖြင့် ​ဖော်ပြ​လေ့ရှိကြတယ်။ ဇွဲ၊ လုံ့လ၊ ဝီရိယကြီးကြပြီး အရမ်းကြိုးစားကြတယ်။ ကိုယ်တိုင်ကလည်း စိတ်ဓါတ်တက်ကြွလွယ်သလို သူတစ်ပါးကိုလည်း ​မိုတီ​ဗေးရှင်း ​​ကောင်း​ကောင်းပေးတတ်တယ်။ ဒါ​ပေမယ့် အကြွားသန်တယ်။ ဟိတ်ကြီးဟန်ကြီး နဲ့ ​နေတတ်တယ်။

■ ​ခွေးနှစ်ဖွားများ (1970, 1982, 1982, 1994, 2006)

ရိုးသားတယ်၊ သပ်ရပ်တယ်၊ သစ္စာရှိတယ်၊ တရားမျှတမှုကို နှစ်သက်တယ်၊ ချစ်ခင်ကြင်နာတတ်တယ်။
အပျင်းထူတယ်၊ အေးတိအေးစက်နဲ့ ခေါင်းမာတယ်၊ ရန်လိုတတ်တယ်။ နွားနဲ့ မြင်း နှစ်ဖွား​တွေအတိုင်းပဲ။ သိတတ်တယ်၊ သစ္စာကြီးတယ်၊ အရိပ်အကဲနားလည်တယ်။ စာလုပ်၊ အလုပ်လုပ်ရင် အ​သေးအမွှားကအစ ဂရုစိုက်သ​လောက် အ​ပျော်လွန်ရင်လည်း ဘာကိုမှ ဂရုမစိုက်​တော့ပဲ စွတ်​ပျော်​လေ့ရှိကြတယ်။ ဥပမာ ကိုယ့်ကို ရည်းစားက surprise လုပ်လို့ဖြစ်ဖြစ်၊ ဆုရလို့ပဲဖြစ်ဖြစ်​ပျော်လို့ ထ က တာ... ပန်းအိုးကို တိုက်မိတာတို့၊ လူ​တွေကို ကန်မိ ရိုက်မိတတ်တာတို့၊ ကိုယ့်ဟာကိုယ် ​ချော်လဲတာတို့မျိုး​တွေ။ အနီးစပ်ဆုံးက လူတွေကိုလည်း ဂရုစိုက်​ပေးတတ်ကြပြီး ကိုယ့်ကိုရင်ဖွင့်လာရင် နားထောင်ပေးတတ်ကြတယ်။ ပြန်​တော့ အကြံ​ပေးတတ်၊ ပြန်​ပြောတတ်တာမျိုး​တွေ​တော့ မရှိကြဘူး။

■ ဝက်နှစ်ဖွားများ (1971, 1983, 1995, 2007)

ရိုးစင်းတယ်၊ အလုပ်ကြိုးစားတယ်၊ သန်မာတယ်၊ တိတ်ဆိတ်ခြင်းကို အလွန်နှစ်သက်တယ်၊ ယုံကြည်စိတ်ချရတယ်။ နုံအတယ်၊ ယုံလွယ်တယ်၊ လောကီသမား၊ တွယ်ကပ်တတ်တယ်။
ဘာကိုမှ ဂရုမစိုက်တတ်ကြဘူး။ ​ခွေး​နှစ်ဖွား​တွေက ​ပျော်စရာရှိမှ စွတ်​ပျော်​ပေမယ့် ဝက်နှစ်ဖွား​တွေက အချိန်တိုင်းလိုလို စွတ်​ပျော်​နေတာ။ အစားကြီးတယ်၊ အပျင်းကြီးတယ် ဆိုတာကလည်း ဝက်နှစ်ဖွား​တွေ တဝက်​ကျော်​ကျော်​လောက်ရဲ့ စရိုက်​တွေပါ။ ကိုယ့်ကို ရန်လာစရင် ဂရုမစိုက်တတ်၊ ကိုယ့်ကို ဆူ​နေရင် ဂရုမစိုက်တတ်သလိုမျိုး။ ကိုယ်​ပျော်ဖို့ပဲ စိတ်ထဲ​​​တွေး​နေတတ်သူမျိုး။